به گزارش ارس نامه؛ گویا هنگامی که نامه حضرت امام حسین(ع) به حبیب بن مظاهر رسید، ظاهرأ رنگ و حنا خریده بود تا محاسن خویش را خضاب نماید. شعری از "الهویردی صادقی" متخلص به "صادق"، شاعر پیشکسوت ارسباران به ارس نامه گسیل شده که مضمون این شعر؛ به گفت و گوی حبیب با خویشتن خویش می پردازد:

"حبیب"

شاه دین تکجه دی یالقیزدی، شتاب ائیله حبیب
دورمالی وقت دگیر ، صبری عتاب ائیله حبیب

سپر ائت زاده ی زهعرایه اولان بیر جانیوی
فتنه لر شبهه سایب محکم ائله ایمانوی
جنگ اولان معرکه ده اوخووا دءولدور قانیوی
آق محاسین لریوی اوردا خضاب ائیله حبیب

بیر بئله وقتیده ترک ائتملی سن، ما ومنی
عشق پاکیله تاپارسان او گوزل جاذبه نی
بو خطر یولدو یولا یولداش ائله عوسجه نی
دوشمنی شمشیریله اوردا خطاب ائیله حبیب

بیربصیرت ده گرک دیر اولا دین سربازینا
هم سلاح همده صلاح اولسا، یقین سربازینا
گئت قئوشول معرکده حقه قرین سربازیلا
ظلم بر پا ائدنی خانه خراب ائیله،حبیب

حنانی قوی قالا قسمت دگی بو رنگ وخضآب
شاه تکجه قالیب ،دورماگیلا ائیله شتاب
عصر امامین جمع اولوب اولدوره لر شیخیله شاب
قویما فرصت سئوولا،پا به رکاب ائیله حبیب

عنقریبندی کی ،عالم آرا محشر قورالار
حق وباطل طرفی اوردا، برابر دورالار
باطلین های چی لاری،ظالمه یاور دورالار
سن «حسین» سربازی اول ظلمه جواب ائیله حبیب

سن اولن دن سئورا بو حاثه لر یاددا قالار
اوخویان تاریخی بو حادثه دن، الهام آلار
سو یولو باغلیدی ،عطشاندی، بوتون گول بالالار
آتی میندین گئده سن مشگی پر آب ائیله حبیب

گئدیب امداد ائله سن آزجا زامان شاه دینی
اولاجاخ سان بیلیرم همشه لیق حق قرینی
نگران گورسن اگر، حشر گونو «صادقینی»
بیر شفاعت ائله، گورکملی ثواب ائیله حبیب

شعر: الهویردی صادقی(صادق)